Par Ari Awagana et Camille Lefebvre
Curo saa 1904, maləmba yindi curo masidi Al-Azhar curo Kairoben kəla kəlyada: Maləm Bornoyedə cunju al-Hajj Musa, ilmuma təlambe Jamusyedə, cunju Rudolf Prietze. Sammaso curo Masaryelan kəranza fuwuro təmbalduwuro kadira. Tandi yindi adə kəla kəljane kulasi saa mewuro kedo, warakka kada curo təlam Kanuriyen ruwujana. Adəngason, sa ilmuma təlambayedə Turairo waljənadən, kakkadəwa sammaso-a cunjulan bakyeno. Al-Hajj Musadə curo hawardən baworo walyeno; cidawa capkatadəye ruwudəmanju nodənyi la.
Ngawo saa 120 yen, Ari Awagana-a Camille Lefebvre-a camno kidaye curo kəla kəldərambe adə-a cuwudənaye kulasanaye, al kəndagaiye duwon am indi aniga kəljənadəga nodu nangaro.
Awo jama kam Turaiyeye kidaro fəlejagaidə, hayyamaro kida kəlakəl maləmba yindiye aniye, fərdunjudə kulasi təlambaye njeroram karnu duwon 19yedən Jamuslan tədidəlan tai, adab ciye curo Sahel dawuyedən tədindəro yadelan kərga. Kəlakəl yindikate maləmba yindi aniyedə tima kida kəlakəlye adəga cuwudo.
Kudəro, Ari Awagana-a Camille Lefebvre-aye ruwu Kanuriye sammaso waljane bakcana, curonjan aiyaso, karawuso, wotiyaso, koro gargambaso, curo al ruwuye yindiyelan, faldə karnu 19yedən koro faldə ruwu Kanuri bəlinyedən cawudəna, jamaso rakacane kərajai nangaro. Ngawo adəyen hawar aniga təlam Faransayero fasarjagəna. Kitawu adə fudu dijitalyen meji, link adəlan kunguna baworo fanduwi:
Wundu yayero dagargəne!
OpenEdition vous propose de citer ce billet de la manière suivante :
awagana (4 juillet 2025). Bakta bǝlin: Ruwuwa al-Hajj Musa Ibn Hisseinbe, goni malǝmbe Bornoye (Nijer, Naijiria). Langarchiv. Consulté le 12 février 2026 à l’adresse https://doi.org/10.58079/14a99
